campost.asia

ដីលក់បន្ទាន់ ស្ថិតនៅទីប្រជុំ ក្បែរសាលារៀន មន្ទីរពេទ្យ វត្តអារាម សាលាសង្កាត់ និងផ្សារ ពិសេសនៅជិតតំបន់ទេសចរ ។ បើចាប់អារម្មណ៍ចង់បានដីយកទៅសង់ផ្ទះ សូមទំនាក់ទំនងតាមរយៈលេខទូរសព្ទ ឬតេលេក្រាម 017 39 47 47

ពលរដ្ឋចាប់ផ្តើមចាកចេញពីតំបន់ចម្ការរបស់ លោក ខឹម វាសនា នៅតំបន់ភ្នំគូលែន ខណៈសមត្ថកិច្ចពង្រាយកម្លាំងត្រៀមចាត់ការស្អែក

ថ្ងៃទី ៖ 29-08-2022, ដោយ admin , 322 Views

សៀមេាប : ប្រជាពលរដ្ឋខ្លះធ្វើដំណើរតាមរថយន្ត ខ្លះធ្វើដំណើរតាមម៉ូតូ នៅព្រលប់ថ្ងៃទី២៩ ខែសីហានេះ បានសម្រេចចាកចេញពីតំបន់ចម្ការរបស់ លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ ហៅកាត់ថា LDP នៅតំបន់ភ្នំគូលែន ខេត្តសៀមរាប ជាបណ្ដើរៗហើយ ខណៈសមត្ថកិច្ចបានពង្រាយកម្លាំងនៅតាមដងផ្លូវនិងក្បែរតំបន់នោះ ដើម្បីត្រៀមមានចំណាត់ការនៅថ្ងៃទី៣០ សីហា តបតាមការស្នើសុំរបស់ លោក ខឹម វាសនា បន្ទាប់ពីអាជា្ញធរដឹកនាំដោយ លោក ហ៊ុន ម៉ានិត កូនប្រុសនាយករដ្ឋមន្រ្តី និង លោក ទៀ សីហា អភិបាលខេត្តសៀមរាប បានចុះមកហាមមិនឱ្យបន្តប្រមូលផ្ដុំ ។

បើតាមក្រសួងព័ត៌មានបានឱ្យដឹងថា ខណៈពេលនេះដែរអាជ្ញាធរចាប់ផ្តើមដាក់កម្លាំងយាមកាមនៅជិតតំបន់នោះ ហើយត្រៀមនឹងអនុវត្តឱសានវាទរបស់រដ្ឋបាលខេត្តផងដែរ ដែលបានដាក់កំហិតឱ្យប្រធានគណបក្សសម្ព័ន្ធដើម្បីប្រជាធិបតេយ្យរូបនេះ បញ្ឈប់ការជួបជុំ និងការបោះតង់ស្នាក់នៅ ចាប់ពីថ្ងៃទី៣០ ខែសីហា ឆ្នាំ២០២២ វេលាម៉ោង ២៤៖០០នាទីយប់។