«ព្យុះតែគុជ ឬ តែដោះគោទឹកកក» នៅក្នុងប្រទេសតំបន់អាស៊ាន បាននាំមកនៅប្រាក់ចំណូលរហូតដល់ទៅ ៣,៧ពាន់លានដុល្លារ ក្នុងមួយឆ្នាំ ៗ នេះជាលទ្ធផលនៃការស្រាវជ្រាវ របស់ Momentum Works ប្រកាសនៅថ្ងៃទី ១៦ខែសីហា ។

លទ្ធផលស្រាវជ្រាវបានបង្ហាញឲ្យឃើញថា តែគុជនៅក្នុងប្រទេសឥណ្ឌូនេស៊ី នាំមុខគេនៅលើទីផ្សារតំបន់អាស៊ានហើយ ប្រាក់ចំណូល ពីភេសជៈនេះកើនឡើងដល់ទៅ ១,៦ពាន់លានដុល្លារក្នុងមួយឆ្នាំៗ។

ឈរលំដាប់ទីពីរ គឺជាប្រទេសថៃ រកប្រាក់ចំណូលបានពីភេសជ្ជៈខាងលើ ជិត ៨០០លានដុល្លារ និងវៀតណាម រលំដាប់ទីបីមានជាង ៣៦០ លានដុល្លារ ។ ទាំងនោះជាប្រាក់ចំណាយ របស់ក្រុមយុវវ័យភាគច្រើន ទិញតែគុជផឹក ។ សិង្ហបុរីគឺជាប្រទេសតូច ក្នុងតំបន់ ប៉ុន្តែប្រាក់ចំណូលប្រចាំឆ្នាំ ពីការលក់ភេសជ្ជៈមានទឹកប្រាក់៣៤២លានដុល្លារ ។

ជនជាតិសិង្ហបុរីជាអ្នកបរិភោគ ភេសជ្ជៈនេះច្រើនជាងគេ។ នៅក្នុងប្រទេសសិង្ហបុរី មានហាងភេសជ្ជៈតែគុជ ពេញនិយមរហូតដល់ទៅ ៦០ហាង ៕