campost.asia

ដីលក់បន្ទាន់ ស្ថិតនៅទីប្រជុំ ក្បែរសាលារៀន មន្ទីរពេទ្យ វត្តអារាម សាលាសង្កាត់ និងផ្សារ ពិសេសនៅជិតតំបន់ទេសចរ ។ បើចាប់អារម្មណ៍ចង់បានដីយកទៅសង់ផ្ទះ សូមទំនាក់ទំនងតាមរយៈលេខទូរសព្ទ ឬតេលេក្រាម 017 39 47 47

ពិតជាមានទេពកោសល្យមែន កុមារម្នាក់រៀននៅវិទ្យាល័យសិរីសោភ័ណ អាចធ្វើម៉ាស៊ីនច្រូតនិងរបស់របរលេងជាច្រើនទៀតចេញពីសំរាមដែលបញ្ជាដោយតេឡេ

ថ្ងៃទី ៖ 16-08-2022, ដោយ admin , 223 Views

បន្ទាយមានជ័យ : កុមារាអាយុ១៤ឆ្នាំម្នាក់ រស់នៅក្នុងភូមិព្រៃឬស្សី សង្កាត់ព្រះពន្លា ក្រុងសិរីសោភ័ណ កំពុងទាញការចាប់អារម្មណ៍ពីសំណាក់មហាជន ក៏ដូចជាសិស្សានុសិស្ស ជាមួយគំនិតច្នៃប្រឌិត ដោយបានប្រេីប្រាស់របស់របរ ដែលគេបោះបង់ចោល យកមកកែច្នៃប្រឌិតទៅជារបស់លេង ដូចជា ៖ ម៉ាស៊ីនច្រូតស្រូវ ខ្នាតតូច បញ្ជាដោយតេលេ( Remote) រួមនឹងរបស់លេងផ្សេងៗទៀតដូចជា ឡាន និងត្រាក់ទ័រជាដេីម។

ក្មួយប្រុស លឹម វណ្ណារិទ្ធ អាយុ១៤ រៀននៅថ្នាក់ ៨ សាលា សិរីសោភ័ណ បានប្រាប់ឲ្យដឹងថា ៖ ដោយសារតែមានការស្រលាញ់ និងមានចំណង់ចំណូលចិត្តតាំងពីក្មេង ក្នុងការកែច្នៃរបស់របរផ្សេងៗ ទៅជារបស់លេងដោយបានប្រេីប្រាស់វត្ថុដែលគេបោះចោលមានដូចជា ៖ សំបកកេស ចានស្នោរ បំពង់បឺតជាដេីម ដេីម្បីប្រមូលយកមកកែច្នៃជាម៉ាស៌ីនច្រូត ដោយមានតេលេបញ្ជាឲ្យទៅមុខ ថយក្រោយបាន ដូចរបស់ពិតជាដេីម។ ក្មួយប្រុសបានបញ្ជាក់ថា ៖ ម៉ាស៊ីនច្រូតស្រូវខ្នាតតូច ដែលផ្សំឡេីងពីរបស់ អេតចាយនេះ គឺបានប្រេីរយៈពេល១សប្តាហ៍ ទេីបរួចរាល់ទេីបចេញជារូបរាង និងបញ្ជាបាន ហេីយបេីគិតពីការចំណាយជាថវិកាអស់ប្រមាណ៤ម៉ឺនរៀលតែប៉ុណ្ណោះ។

ក្មួយប្រុស លឹម វណ្ណារិទ្ធ ក៏បានបន្ថែមថា ៖ ក្រោយបង្កេីនម៉ាស៊ីនស្រូវមួយនេះ រូបគេក៏បានបង្កេីនជារបស់របរលេងផ្សេងៗទៀតដូចជា ៖ កូនឡានដី ត្រាក់ទ័រជាដេីម។ ជាមួយគ្នានោះរូបក៏ចង់បង្កេីនជារបស់លេងផ្សេងៗទៀត ភ្ជាប់ដោយបច្ចេកវិទ្យាថ្មីៗផងដែរ។ អ្វីជាបំណងប្រាថ្នារបស់ក្មួយប្រុស លឹម វណ្ណារិទ្ធ នៅថ្ងៃអនាគតគឺគេចង់ក្លាយជាអ្នកឌីសាញមួយរូប៕