ទំនាក់ទំនងផ្សាយពាណិជ្ជកម្ម : ទូស័ព្ទលេខ និងTelegram 060327222
លោក អេម៉ានុយអែល ម៉ាក្រុង ចង់ឃើញការស៊ើបអង្កេតស្វែងរកតម្រុយ និងអ្នកពាក់ព័ន្ធក្នុងការសម្លាប់លោក លឹម គឹមយ៉ា នៅប្រទេសថៃ
ថ្ងៃទី ៖ 16-11-2026, ដោយ​​ dara007 , 39 Views
                     
ភ្នំពេញៈ លោក អេម៉ានុយអែល ម៉ាក្រុង ចង់ឃើញការស៊ើបអង្កេតស្វែងរកតម្រុយ និងអ្នកពាក់ព័ន្ធក្នុងការសម្លាប់លោក លឹម គឹមយ៉ា នៅប្រទេសថៃ ដើម្បីនាំខ្លួនយកមកផ្តន្ទាទោសតាមច្បាប់។

ថ្លែងក្នុងសន្និសីទសារព័ត៌មានរួមគ្នាក្រោយពីពិធីចុះហត្ថលេខាលើកិច្ចព្រមព្រៀងទ្វេភាគីចំនួន ២៩ រវាងកម្ពុជា-បារាំង កាលពីយប់ ថ្ងៃទី១៥ ខែវិច្ឆិកា ឆ្នាំ២០២៦ ក្នុងអំឡុងពេលដំណើរទស្សនកិច្ចផ្លូវរដ្ឋ និងការចូលរួមកិច្ចប្រជុំកំពូលហ្វ្រង់កូហ្វូនី លើកទី២០ នៅរាជធានីភ្នំពេញ។

ក្នុងនាមជាប្រធានាធិបតីបារាំង លោក ម៉ាក្រុង បានលើកយកករណីឃាតកម្មលើលោក លឹម គឹមយ៉ា ដែលមានសញ្ជាតិបារាំង-ខ្មែរ មកបង្ហាញជាសាធារណៈក្នុងសន្និសីទកាសែតរួមជាមួយលោកនាយករដ្ឋមន្ត្រី ហ៊ុន ម៉ាណែត។

លោក ម៉ាក្រុង បានបង្ហាញពីការចង់បាន និងចង់ឃើញការស៊ើបអង្កេតមួយដែលអាចស្វែងរកតម្រុយ និងអ្នកពាក់ព័ន្ធក្នុងការសម្លាប់លោក លឹម គឹមយ៉ា នៅប្រទេសថៃ ដើម្បីនាំខ្លួនយកមកផ្តន្ទាទោសតាមច្បាប់។

សូមបញ្ជាក់ថា លោក លឹម គឹមយ៉ា ដែលមានសញ្ជាតិបារាំង-ខ្មែរ ត្រូវបានខ្មាន់កាំភ្លើងបាញ់សម្លាប់នៅទីក្រុងបាងកក ប្រទេសថៃ កាលពីថ្ងៃទី៧ ខែមករា ឆ្នាំ២០២៥។ មួយថ្ងៃក្រោយកើតហេតុ សមត្ថកិច្ចនគរបាលជាតិកម្ពុជាបានចាប់ខ្លួនជនសង្ស័យឈ្មោះ Ekkalak Pheanoi នៅខេត្តបាត់ដំបង និងបានបញ្ជូនខ្លួនទៅឱ្យអាជ្ញាធរថៃ ដើម្បីបន្តនីតិវិធីច្បាប់៕

COUNTACT US
Email : campost2022@gmail.com
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
                     
        

Copyright @ 2017-2024, Campost.asia, campost2022@gmail.com