ប្រតិបត្ដិការនេះ ធ្វើឡើងក្រោមការបញ្ជា និងដឹកនាំផ្ទាល់ពីលោក អ៊ុំ រាត្រី ប្រធានគណៈបញ្ជាការឯកភាពខេត្ត និងសម្របសម្រួលនីតិវិធីពីលោក កើត វណ្ណារ៉េត ព្រះរាជអាជ្ញា នៃអយ្យការអមសាលាដំបូងខេត្តបន្ទាយមានជ័យ។

តាមរបាយការណ៍របស់រដ្ឋបាលខេត្ត បានឲ្យដឹងថា នៅថ្ងៃទី១៥ ខែមិថុនា ឆ្នាំ២០២៦ លោក អ៊ុំ រាត្រី បានដឹកនាំក្រុមការងារចម្រុះ ដោយមានការសម្របសម្រួលនីតិវិធីពីលោក ទេព ឃុនឆ័យ ព្រះរាជអាជ្ញារង នៃអយ្យការអមសាលាដំបូងខេត្ត បានចុះត្រួតពិនិត្យទីតាំងចំនួន២កន្លែង ស្ថិតនៅភូមិសាមគ្គីមានជ័យ សង្កាត់អូជ្រៅ ក្រុងប៉ោយប៉ែត រកឃើញជនបរទេស៦៣នាក់ ស្រី២២នាក់ ២សញ្ជាតិ ថៃ៥១នាក់ស្រី២១នាក់ និងឥណ្ឌូនេស៊ី១២នាក់ស្រី១នាក់ ដូចខាងក្រោម៖

-ទីតាំងទី១ (លី ឡុង) អគារកម្ពស់៤ជាន់ ៤៣បន្ទប់ រកឃើញសម្ភារៈសង្ស័យមួយចំនួន បានដកហូតរក្សាទុកនៅស្នងការដ្ឋាននគរបាលខេត្ត និងរកឃើញជនជាតិថៃ ចំនួន៥១នាក់ ស្រី២១នាក់ បញ្ជូនទៅមណ្ឌលកងវ៉ាខេត្ត ៤៩នាក់ ស្រី១៩នាក់ និងបញ្ជូនទៅអធិការដ្ឋាននគរបាលក្រុង២នាក់ស្រី និងបិទទិតាំងជាបណ្ដោះអាសន្ន។

-ទីតាំងទី២ (ធ ចាន់ធា) ផ្ទះកម្ពស់២ជាន់ ២៣បន្ទប់ រកឃើញសម្ភារសង្ស័យមួយចំនួន បានដកហូតរក្សាទុកនៅស្នងការដ្ឋាននគរបាលខេត្ត និងរកឃើញជនជាតិ ឥណ្ឌូនេស៊ី១២នាក់ស្រី១នាក់ បញ្ជូនទៅមណ្ឌលកងវ៉ាខេត្ត និងបិទទិតាំងជាបណ្ដោះអាសន្ន៕