យោងតាមគេហទំព័រហ្វេសប៊ុក របស់អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ នៅថ្ងៃទី១៣ ខែមីនា ឆ្នាំ២០២៦ បានក្រើនរំលឹកដល់ប្រជាពលរដ្ឋថា ត្រូវរក្សា និងទុកដាក់ឯកសារពាក់ព័ន្ធនឹងអត្តសញ្ញាណដូចជា ៖ អត្តសញ្ញាណប័ណ្ណ សៀវភៅស្នាក់នៅ ឬសៀវភៅគ្រួសារ កាតធនាគារ និងឯកសារសំខាន់់ៗផ្សេងទៀតរបស់ខ្លួនឱ្យបានត្រឹមត្រូវ។ កុំថតបង្ហោះ ព័តមានផ្ទាល់ខ្លួនអត្តសញ្ញាណទាំងនោះលើបណ្ដាញសង្គមនានា។

ជាមួយគ្នានេះ ប្រជាពលរដ្ឋប្រុងប្រយ័ត្នក្នុងការចូលទៅប្រើប្រាស់កម្មវិធី (App) ឬគេហទំព័រ ដែលមានប្រភពមិនច្បាស់លាស់ ឬមិនមានភាពជឿទុកចិត្ត និងកុំផ្ដល់ព័ត៌មានផ្ទាល់ខ្លួន ឬឯកសារអត្តសញ្ញាណទៅកាន់ប្រភពទាំងនោះ។

ក្នុងករណីពលរដ្ឋបានជ្រុះបាត់ឯកសារពាក់ព័ន្ធនឹងអត្តសញ្ញាណរបស់ខ្លួនសំខាន់ៗ ត្រូវមកធ្វើសេចក្តីរាយការណ៍ជូននគរបាល ឬមន្ត្រីមានសមត្ថកិច្ចជំនាញជាបន្ទាន់ ៕