តុលាការព្រហ្មទណ្ឌថៃបានចេញដីកាឲ្យចាប់ខ្លួនឯកឧត្តម លី យ៉ុងផាត់ ព្រមទាំងរឹបអូសផ្ទះសម្បែង និងគណនីធនាគារដែលឧកញ៉ា លី យ៉ុងផាត់ មាននៅប្រទេសថៃ ក្រោមបទចោទប្រកាន់ជាច្រើនករណី ។
លោក ជា ធីរិទ្ធ អ្នកនាំពាក្យព្រឹទ្ធសភាបានឲ្យដឹងនៅថ្ងៃទី១០ ខែវិច្ឆិកា ឆ្នាំ២០២៥ថា ចំពោះការចេញដីកានេះគឺជាល្បែងនយោបាយប្រជាភិថុតិរបស់ភាគីម្ខាងទៀត ក្នុងគោលដៅដើម្បីបន្តុះបង្អាប់ និងបង្ខូចកិត្តិយសរបស់កម្ពុជានៅលើឆាកអន្តរជាតិប៉ុណ្ណោះ ។
ជាមួយនឹងការចេញដីកាចាប់ខ្លួន សមាជិកព្រឹទ្ធសភាកម្ពុជានេះ អ្នកនាំពាក្យព្រឹទ្ធសភាបានផ្ញើសារផ្តាំទៅប្រជាពលរដ្ឋថា កុំជ្រួលជ្រើម និងចាប់អារម្មណ៍ព្រោះគ្មានផ្តល់ផលចំណេញអ្វីនោះទេ ៕