ព្រះគ្រូ សុវណ្ណ ញាណឈាក សូមចម្រើនពរញាតិញោមទាំងអស់ នៅក្នុងប្រទេសនិងក្រៅប្រទេស អញ្ជើញចូលរួម ចាប់សទ្ធាមគ្គផល យកអានិសង្ឃ កឋិនទានរៀងៗខ្លួន។

កម្មវិធីបុណ្យ ត្រូវនឹងថ្ងៃអាទិត្យ ៥កើត ខែកត្តិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី ២៦ ខែតុលា ឆ្នាំ២០២៥ ម៉ោង១រសៀល ប្រារព្ធពិធីក្រុងពាលី ម៉ោង២ នឹងធ្វើបទនមស្សការ សមាទានសីល និមន្តព្រះសង្ឃចម្រើនព្រះបរិត្ត និងសម្តែងព្រះធម៌ទេសនា ។ លុះដល់ ៣:៣០នាទី ទទួលពុទ្ធបរិស័ទអញ្ជើញមកពីទីជិតឆ្ងាយចូលក្នុងពិធីបុណ្យកឋិនទាននៅកុដិ៤៦។

លុះព្រឹកឡើងថ្ងៃ ចន្ទ ៦កើត ខែកត្តិក ត្រូវនឹងថ្ងៃទី ២៧ ខែឆ្នាំដដែល អង្គកឋិនទាននឹងហែរចេញ ពីវត្តស្ទឹងមានជ័យឆ្ពោះទៅខេត្តស្វាយរៀងស្រុករមាសហែក ឃុំកំពង់ត្រាច ភូមិព្រៃក្រឡាញ់ វត្តដង្កៀបក្តាម នឹងវេរប្រគេនព្រះសង្ឃជាកិច្ចបង្ហើយបុណ្យ ។

អ្នកផ្តើមបុណ្យ ៖ ០១- ព្រះគ្រូ សុវណ្ណ ញាណឈាក ០២- អាចារ្យ ញាណ ឈី ០៣- អាចារ្យ អំ វី ០៤- លោកស្រី ស៊ុត ស៊ីយ៉េង ០៥- លោកស្រី Eng sok liay ០៦- លោកស្រី ស៊ែ ចាន់ណា និងពុទ្ធបរិស័ទជិតឆ្ងាយ ។

សូមបញ្ជាក់ៈ អង្គកឋិនទាននឹងហែរចេញនៅថ្ងៃទី២៧ នឹងវិលត្រឡប់មកវិញនៅថ្ងៃដដែល។ ប្រារព្ធកម្មពិធីបុណ្យនៅ វត្តចង្ក្រានតាព្រហ្មស្ទឹងមានជ័យ កុដិ៤៦ ៕