ដីលក់បន្ទាន់ ស្ថិតនៅទីប្រជុំ ក្បែរសាលារៀន មន្ទីរពេទ្យ វត្តអារាម សាលាសង្កាត់ និងផ្សារ ពិសេសនៅជិតតំបន់ទេសចរ ។ បើចាប់អារម្មណ៍ចង់បានដីយកទៅសង់ផ្ទះ សូមទំនាក់ទំនងតាមរយៈលេខទូរសព្ទ ឬតេលេក្រាម 017 39 47 47
លោក ប៉ែន បូណា ៖ការផ្ដល់ទំនុកចិត្តលើរាជរដ្ឋាភិបាល លើថ្នាក់ដឹកនាំ របស់ប្រជាពលរដ្ឋទាំងក្នុងនិងក្រៅប្រទេសបាននិងកំពុងធ្វើពេលនេះ គឺជារឿងមួយដ៏ត្រឹមត្រូវបំផុត
ថ្ងៃទី ៖ 29-08-2025, ដោយ​​ Dara007 , 37 Views
                     
ភ្នំពេញៈ លោក ប៉ែន បូណា ថ្លែងថា ការផ្ដល់ទំនុកចិត្តលើរាជរដ្ឋាភិបាល លើថ្នាក់ដឹកនាំ របស់ប្រជាពលរដ្ឋទាំងក្នុងនិងក្រៅប្រទេសបាននិងកំពុងធ្វើពេលនេះ គឺជារឿងមួយដ៏ត្រឹមត្រូវបំផុត ពីព្រោះថ្នាក់ដឹកនាំរបស់យើងនៅពេលនេះធ្វើការសម្រេចចិត្តលើរឿងអ្វីមួយក៏ដោយគឺប្រកបដោយការទទួលខុសត្រូវខ្ពស់បំផុត ដើម្បីការពារផលប្រយោជន៍ជាតិ និងប្រជាពលរដ្ឋ។

អ្នកនាំពាក្យរាជរដ្ឋាភិបាលកម្ពុជា បានទាញចំណាប់អារម្មណ៍ឱ្យមហាជនក្រឡេកមកមើលមកសាមគ្គីភាពផ្ទៃក្នុងរវាងខ្មែរ និងខ្មែរ គឺនៅតែរក្សាបានយ៉ាងរឹងមាំដោយប្រជាពលរដ្ឋយើងទាំងក្នុងនិងក្រៅប្រទេសស្រុះគ្នា ការពារសន្តិភាពទាមទារដោះលែងកងទ័ពយើង១៨នាក់ដែលទាហានថៃចាប់ខ្លួនដោយខុសច្បាប់។

ក្នុងសន្នីទសារព័ត៌មាន នាព្រឹកថ្ងៃទី២៩ ខែសីហា ឆ្នាំ២០២៥ លោក ប៉ែន បូណា អ្នកនាំពាក្យរាជរដ្ឋាភិបាល បានលើកឡើងបន្ថែមថា ប្រជាពលរដ្ឋខ្មែរក៏បានរួមសាមគ្គីគ្នាការពារអធិបតេយ្យភាពជាតិ បូរណភាពទឹកដីរបស់ខ្លួនដោយភាពថ្លៃថ្នូរ អហិង្សា និងការអត់ធ្មត់ខ្ពស់ ស័ក្ដិសមជាប្រជាពលរដ្ឋនៃប្រទេសដែលមានអារ្យធម៌ខ្ពង់ខ្ពស់ មានវប្បធម៌ដ៏ចំណាស់ និងមានសីលធម៌ល្អ។ 

លោកបានបន្តថា ប្រជាពលរដ្ឋទាំងអស់សាកអង្គុយយស្រមៃបន្តិចថា ប្រសិនបើគ្មានកិច្ចព្រមព្រៀងឈប់បាញ់កើតឡើង ឬមានហើយប៉ុន្តែ វាខូចខាតទៅវិញ ហើយការប្រយុទ្ធគ្នានៅតែបន្តរហូតមកទល់នឹងសព្វថ្ងៃ តើសោកនាដកម្មមានទំហំធំធេងប៉ុណ្ណាសម្រាប់ប្រទេសជាតិ និងប្រជាជនទាំងសងខាង។ 

លោក សំនួរនេះអាចឱ្យយើងយល់បាន ពីតម្លៃនៃបទឈប់បាញ់ និងពីតម្លៃនៃកិច្ចខិតខំប្រឹងប្រែងប្រកបដោយការអត់ធ្មត់របស់គ្រប់ភាគីទាំងអស់ ជាពិសេសការអត់ធ្មត់របស់ថ្នាក់ដឹកនាំរបស់យើងដែលតែងតែចាត់ទុកសន្តិភាព និងសេចក្ដីសុខរបស់ប្រជាពលរដ្ឋជាអាទិភាពចម្បងបំផុត៕

COUNTACT US
Email : campost2022@gmail.com
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
                     
        

Copyright @ 2017-2024, Campost.asia, campost2022@gmail.com