ក្នុងសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅព្រឹកថ្ងៃទី២០ ខែសីហា ឆ្នាំ២០២៥ លោក នង សាកល អនុរដ្ឋលេខាធិការ និងជាអ្នកនាំពាក្យរងក្រសួងការបរទេស និងសហប្រតិបត្តិការអន្តរជាតិបានថ្លែងថា ក្នុងនាមជាសេនាធិការរបស់រាជរដ្ឋាភិបាល ក្រសួងការបរទេសបានដាក់លិខិតជំទាស់ជាផ្លូវការនេះទៅមេដឹកនាំថៃបានធ្វើឡើងកាលពីថ្ងៃទី១៩ ខែសីហា ចំពោះសកម្មភាពបំពាននានារបស់ភាគីថៃមកលើបូរណភាពទឹកដីកម្ពុជា។

អគ្គលេខាធិការដ្ឋានគណៈកម្មាធិការព្រំដែនរួមJBCកម្ពុជា តាមរយៈក្រសួងការបរទេស កាលពីថ្ងៃទី១៩ ខែសីហា បានដាក់ពាក្យជំទាស់ជាផ្លូវការមួយចំពោះសកម្មភាពរបស់កងកំលាំងប្រដាប់អាវុធថៃដែលបានដាក់ពង្រាយសំណាញ់ខ្មៅ និងដាក់កងឡាននៅតំបន់មួយចំនួនតាមព្រំដែននៅក្នុងទឹកដីកម្ពុជា ។

ក្នុងស្ថានការណ៍នេះ គណៈប្រតិភូ JBCកម្ពុជាបានស្នើឲ្យកងទ័ពថៃ រុះរើឧបករណ៍ទាំងអស់ចេញពីតំបន់ទាំងឡាយដែលបានរំលោភ” ។ លោកថា ចំពោះសកម្មភាពបំពានរបស់ថៃទាំងអស់នេះ បានធ្វើខូចខាតដល់ការកសាងទំនុកចិត្តរវាងគ្នានឹងគ្នា ។ ដូច្នេះកម្ពុជាអំពាវនាវឲ្យភាគីថៃគោរពកិច្ចព្រមព្រៀងទ្វេភាគីដ៏ពេញលេញ និងកាតព្វកិច្ចអន្តរជាតិទាំងអស់ ។

ចំពោះការលើកឡើងរបស់រដ្ឋមន្រ្តីការបរទេសអាមេរិកដែលបានថ្លែងពីការលើកឡើងរបស់របស់អាមេរិកចំពោះការយកចិត្តទុកដាក់តាមដានជម្លោះព្រំដែនកម្ពុជា-ថៃ នោះ អ្នកនាំពាក្យក្រសួងការបរទេសកម្ពុជាបានថ្លែងអំណរគុណយ៉ាងជ្រាលជ្រៅបំផុតរបស់អាមេរិកចំពោះគំនិតផ្តួចផ្តើមឲ្យមានបទឈប់បាញ់ ដើម្បីធានាបានសុខសន្តិភាពទំាងសងខាង ៕