|
សម្ដេចធិបតី និងនាយករដ្ឋមន្ត្រីម៉ាឡេស៊ីពិភាក្សាគ្នា អំពីការជំរុញបង្កើតក្រុមអ្នកសង្កេតការណ៍អាស៊ានឱ្យបានឆាប់រហ័ស ដើម្បីអនុវត្តបទឈប់បាញ់ឱ្យមានប្រសិទ្ធភាព
ថ្ងៃទី ៖ 19-08-2025, ដោយ Dara007 , 32 Views
ភ្នំពេញៈ នៅថ្ងៃអង្គារ ទី ១៩ សីហា ២០២៥ នេះ សម្ដេចធិបតីហ៊ុន ម៉ាណែត នាយករដ្ឋមន្រ្ដីកម្ពុជា បានជួបពិភាក្សាតាមទូរសព្ទជាមួយ លោក Anwar Ibrahim នាយករដ្ឋមន្ត្រីម៉ាឡេស៊ី និងជាប្រធានប្ដូរវេនអាស៊ាន ពាក់ព័ន្ធនឹងវឌ្ឍនភាពនៃការអនុវត្តបទឈប់បាញ់ ដែលបានឯកភាពគ្នារវាងកម្ពុជា និងថៃ ក្នុងកិច្ចប្រជុំពិសេស កាលពីថ្ងៃទី ២៨ ខែកក្កដា ឆ្នាំ ២០២៥ នៅទីក្រុង Putrajaya និង កិច្ចប្រជុំវិសាមញ្ញនៃគណៈកម្មាធិការព្រំដែនទូទៅ កម្ពុជា-ថៃ (Extraordinary GBC) កាលពីថ្ងៃទី ៧ ខែ សីហា ឆ្នាំ ២០២៥ នៅទីក្រុងកូឡាឡាំពួរ ដែលសម្របសម្រួលរៀបចំដោយប្រទេសម៉ាឡេស៊ី។
ជាមួយគ្នានេះ ភាគីទាំងពីរក៏បានពិភាក្សាគ្នា អំពីការជំរុញបង្កើតក្រុមអ្នកសង្កេតការណ៍អាស៊ាន (ASEAN Observer Team -AOT) ឱ្យបានឆាប់រហ័ស ក៏ដូចជាដំណើរការរបស់ក្រុមអ្នកសង្កេតការណ៍បណ្ដោះអាសន្ន (Interim ObserverTeam-IOT) ដែលជាយន្តការសំខាន់សម្រាប់ការតាមដានត្រួតពិនិត្យការអនុវត្តបទឈប់បាញ់ឱ្យមានប្រសិទ្ធភាព៕
|