លោកនាយករដ្ឋមន្រ្តីម៉ាឡេស៉ី បានសង្កត់ធ្ងន់នៅលើបណ្ដាញសង្គមថា «យើងក៏បានលើកឡើងអំពីក្រុមសង្កេតការណ៍បណ្ដោះអាសន្ន (IOT) ដែលបានធ្វើការតាមដានយ៉ាងដិតដល់នៅតំបន់ព្រំដែននៃប្រទេសជិតខាងទាំងពីរ ហើយបានពិភាក្សាបន្ថែមអំពីវិធានការផ្សេងទៀតដែលអាចធ្វើទៅបាន ដើម្បីបង្កើនប្រសិទ្ធភាពនៃប្រតិបត្តិការតាមដានរបស់ IOT»។

លោក Anwar Ibrahim បានបន្តទៀតថា «ក្រោយ ការ សន្ទនាជាមួយប្អូនប្រុស ហ៊ុន ម៉ាណែត នាយករដ្ឋមន្ត្រី កម្ពុជា ខ្ញុំក៏បាន សន្ទនាជាមួយ លោក ភូមថាំ វេឆាយ៉ាឆៃ នាយករដ្ឋមន្ត្រីស្តីទី ថៃ ដើម្បីពិភាក្សា អំពី ស្ថានភាពបច្ចុប្បន្ន ទាក់ទង នឹង បទឈប់បាញ់ រវាង កម្ពុជា-ថៃ» ។ លោកថា ក្នុងកិច្ចពិភាក្សានោះ យើងក៏បាន សង្កត់ធ្ងន់ លើការ យកចិត្តទុកដាក់ ចំពោះកិច្ចខិតខំប្រឹងប្រែង របស់កងកម្លាំង សង្កេតការណ៍ បណ្ដោះអាសន្ន (IOT) ដែល បន្ត តាមដាន ស្ថានភាព នៅតាមព្រំដែន យ៉ាងយកចិត្តទុកដាក់ ក្រៅពី ពិនិត្យមើល ជម្រើស ផ្សេងទៀត ដែល អាច ដាក់ឱ្យដំណើរការ ដើម្បីពង្រឹង ប្រតិបត្តិការតាមដាន បទឈប់បាញ់។ ក្រៅពីនេះ យើងទាំងពីរ ក៏បានលើក ឡើង អំពី កិច្ចប្រជុំ គណៈកម្មាធិការ ព្រំដែន ទូទៅ (GBC) ថៃ-កម្ពុជា ដែល នឹង ប្រជុំ នៅខែខាងមុខ៕