សមាជិករដ្ឋសភាកម្ពុជា លោក ខៀវ កាញារីទ្ធ នៅព្រឹកថ្ងៃទី១៨ ខែសីហានេះ បានស្រង់ខ្លឹមសារយកមកផ្សាយលើទំព័រហ្វេសប៊ុកផ្លូវការរបស់ខ្លួនថា ក្រឡាស់សំដីណាស់ បាតដៃខ្នងដៃ ។ ក្រោយចោទប្រកាន់លោកMichel Alfaro ជាបុគ្គលដែលកម្ពុជាជួលឱ្យផ្សាយព័ត៌មានមិនពិតពីថៃ អ្នកនាំពាក្យរដ្ឋាភិបាលថៃ លោកJirayu Huang Sap ប្រកាសហៅលោកAlfaro ឱ្យមកផ្សាយពីថៃម្តង ។ ប៉ុន្តែការប្រកាសនេះមិនបានមួយថ្ងៃផង បន្ទាប់ពីលោក Michel Alfaro យល់ព្រមទៅតាមសំណើរ បែរជា អ្នកនាំពាក្យរដ្ឋាភិបាលថៃរូបនេះ បដិសេធមិនឲ្យ លោកMichel Alfaro ទៅជាន់ដីថៃទៅវិញ . . .។ ការនិយាយមិនពិតរបស់អ្នកនាំពាក្យរដ្ឋាភិបាលថៃរូបនេះត្រូវបានអ្នកសារព័ត៌មានថៃដ៏ល្បីឈ្មោះ លោក Pravit Rojanaphruk និយាយថា ៖ 《 រឿងនេះមិនមែនគ្រាន់តែជាកំហុសឆ្គងមួយផ្នែករបស់អ្នកនាំពាក្យរដ្ឋាភិបាលថៃ លោកJirayu Huangsap ទេ តែវា​ក៏​ធ្វើ​ឲ្យ​ប្រទេស​ថៃ​អាមាស់ បាក់មុខ​ ព្រោះ​អ្នក​នាំ​ពាក្យ​រដ្ឋាភិបាល​ត្រូវ​បាន​គេ​ចោទ​ថា​ ក្រឡេចក្រឡុច មិនអាចយកជាការបាន 》ឬ " គេអាចនិយាយថា÷ Don't Thai to me " ពិតជាឆោតល្ងង់មែន ។

រំលេចពីលើអត្ថន័យទាំងនេះ លោក ខៀវ កាញារីទ្ធ ដែលជាអតីតរដ្ឋមន្រ្ដីក្រសួងព័ត៌មាន និងអ្នកនិយមលេងបណ្ដាញសង្គមល្បីល្បាញផងនោះ បានស្រង់ខ្លឹមសារកាសែតបាងកកប៉ុស្តិ៍របស់ថៃថា ដំបូងហៅគេចូលដោយធានា«ប៉ាវ»គ្រប់សព្វ តែដល់ទាហានថៃថាមិនអោយទៅមើលព្រំដែន រដ្ឋាភិបាលថៃត្រូវតែលេបទឹកមាត់ដែលខ្លួនឯងស្តោះនោះវិញ ដោយយកលេសថា អ្នកកាសែតសេតវិមានក្លែងក្លាយ ។ សំខាន់ក្នុងព័ត៌មាន អ្នកដែលគេមើលច្រើនទោះមិនមែនជាអ្នកកាសែតក៏ដោយក៏«ធ្ងន់គីឡូ»ជាងអ្នកកាសែតដែលគេមិនមើលដែរ !