ប្រភពព័ត៌មាន បានឱ្យដឹងនាព្រលប់ថ្ងៃទី១៦ខែសីហាថា ដោយសារ ឥទ្ធិពលវិសម្ពាធនិងព្យុះក្នុងតំបន់ ២ថ្ងៃមកនេះ( ទី១៥ និង១៦ ខែសីហា ) បានបង្កជាភ្លៀងធ្លាក់ ហើយមានជំនន់ទឹកភ្លៀងក្នុងអូរ ។
មន្ត្រីអាជ្ញាធរ និងសមត្ថកិច្ចបានស្នើសូមបងប្អូនប្រជាពលរដ្ឋរស់នៅបណ្តោយអូរ ខ្សែទឹកខាងក្រោម(ខាងជើង)ចាប់ពីឃុំអូរស្រឡៅ អូរសំព័រដល់ឃុំទួលពង្រ សូមមានការប្រុងប្រយ័ត្នឱ្យបានខ្ពស់ផងដែរ ចៀសវាងគ្រោះថ្នាក់ជាយថាហេតុណាមួយ ។
សូមបញ្ជាក់ថា ទឹកនេះ នឹងបន្តហូរចុះទៅចំណុចអូរល្ហុងឃុំទួលពង្រ រូចហូរចូលស្ទឹងសិរីសោភ័ណ ពីភូមិសុខសាន្ត ភូមិកូបធំ សង្កាត់និមិត្ត មកឃុំសំរោង ស្រុកអូរជ្រៅ និងចុងក្រោយចូលស្ទឹងធំនេះ ត្រង់ភូមិសែសិន សង្កាត់ទឹកថ្លា ក្រុងសិរីសោភ័ណ ៕