|
ពាក់ព័ន្ធscam online អភិបាលខេត្តសៀមរាប ព្រមានផាកពិន័យម្ចាស់ទីតាំងជួលម្នាក់ ១០០០ដុល្លារ និងអនុវត្ដផ្លូវច្បាប់
ថ្ងៃទី ៖ 24-05-2026, ដោយ Dara007 , 54 Views
សៀមរាបៈ អភិបាលខេត្តសៀមរាប ព្រមានផាកពិន័យម្ចាស់ទីតាំងដែលជួលម្នាក់ ១០០០ដុល្លារ និងអនុវត្ដផ្លូវច្បាប់បើពាក់ព័ន្ធscam online ដើម្បីសំអាតscam online ឱ្យអស់ពីកម្ពុជា ក៏ដូចជួយលើកមុខមាត់កម្ពុជាយើង។
លោក ប្រាក់ សោភ័ណ អភិបាល នៃគណៈអភិបាលខេត្តសៀមរាប បានណែនាំម្ចាស់ទីតាំងដែលជួលស្នាក់នៅទាំងអស់ក្នុងខេត្តសៀមរាប
ទទួលភ្ញៀវអន្តរជាតិ ដែលមិនមានឯកសារត្រឹមត្រូវ បើយើងរកឃើញត្រូវទទួលពិន័យម្នាក់ ៤លានរៀល(១០០០ដុល្លារ) ១០នាក់ម្ចាស់ទីតាំងត្រូវបង់១០០០០ដុល្លារ បើ១០០នាក់សូមគិតតាមការគួរ។
លោកគូសបញ្ជាក់ថា បើរកឃើញមានសហការបើកscam online នោះម្ចាស់ទីតាំងនឹងជាប់ទោសទាន់បន្ថែមទៀត។ លោកអះអាងថា កុំគិតថាប្រយោជន៍តិចតួចបំផ្លាញកិត្តិយសជាតិយើង យើងខ្ញុំតាមចាប់គ្រប់ទីកន្លែង ដើម្បីជួយសម្តេចនាយករដ្ឋមន្ត្រីដើម្បីសំអាតscam online ឱ្យអស់ពីកម្ពុជា ក៏ដូចជួយលើកមុខមាត់កម្ពុជាយើង។
លោកប្រាប់ដល់ម្ចាស់ទីតាំងទាំងអស់ ហើយឈប់អន្តរាគមន៍ទៀតថារបស់អ្នកធំណា លោកចង់ឃើញដូចសម្តេចនាយករដ្ឋមន្ត្រីចង់បាន។ អ្នកស្រុកអង្គរមានកិត្តិយសរបស់អ្នកសៀមរាបត្រូវការពារ ខ្ញុំនឹងនៅការពារកិត្តិនាមស្អាតស្អំរបស់ពុកម៉ែបងប្អូនអ្នកសៀមរាប។
|